Jump to Content

Kuwasaidia washirika wa maudhui
kupata njia mpya za kuchuma mapato

Tunatafuta ushirikiano mpya kupitia Jaribio letu la Ofa ya Maudhui ili tushirikiane na wamiliki wa maudhui maalum, yenye ubora wa juu na ya wakati haupo mtandaoni. Washirika watalipwa kwa kuwasilisha maudhui yao yanayotazamwa wakati watumiaji hawapo mtandaoni, ambayo yatatumika kuboresha bidhaa na huduma zetu, ikiwa ni pamoja na kuboresha tathmini zetu za ubora, kubuni vipengele vya bidhaa na kupanua fursa za kuonyesha katika bidhaa zetu zote.

Masharti ya Kujiunga

Mmiliki yeyote wa seti kubwa za data zenye ubora wa juu katika sehemu maalum za maudhui, kama vile hazina za misimbo, anaweza kuonyesha nia yake ya kushiriki katika jaribio letu kwa kubofya kiungo kilicho hapa chini. Ili watimize masharti, ni sharti washirika wawe na haki zinazohitajika za maudhui wanayotoa.

Baada ya kualikwa, tunashirikiana na washirika katika mchakato wa ofa ambapo tunakubaliana kuhusu ada. Kama tu katika majadiliano ya kawaida, ni sharti pande zote mbili ziridhike na makubaliano.
Onyesha kuwa unavutiwa

Fursa

  • Pata njia mpya za kuchuma mapato

    Lipwa kwa kuwasilisha kazi ya sasa na miradi ya awali.

  • Kuwa mtumiaji wa mapema

    Ukiwa mshirika wa jaribio, utakuwa na fursa ya kutoa maoni ya moja kwa moja yanayosaidia kuboresha mbinu yetu ya ushirika na bidhaa katika siku za baadaye.

  • Dhibiti

    Hii ni fursa ambayo haikuzuii kushirikiana na wengine. Unaamua unachotoa, unamiliki asilimia 100 ya IP yako na unadumisha haki ya kuchuma mapato kwenye maudhui yako kwingineko.

Umebuniwa kwa ushirikiano

Zaidi ya asilimia 90

wangependa kushiriki tena

Tumekuwa tukijaribu toleo hili la majaribio kwa zaidi ya mwaka mmoja na maelfu ya washirika duniani kote. Sasa tunapanua jaribio ili kukidhi mahitaji yanayoongezeka na kujifunza kutokana na kundi kubwa la washirika.

"Kushiriki katika Jaribio la Ofa ya Maudhui kumekuwa hali ya utumiaji yenye manufaa na ya maana sana. Nina miradi ambayo ninaidumisha kwa sasa, pamoja na mingine ambayo haijawahi kuchapishwa hadharani na kwa kutumia Mpango wa Jaribio la Ofa ya Maudhui, ninaweza kugeuza kazi yangu kuwa mapato huku nikidumisha umiliki kamili wa msimbo wangu; nimeridhishwa kabisa na fidia inayotolewa kwa miradi yangu. Kwa hakika ningeshiriki tena na ninapendekeza sana jaribio hili kwa wasanidi programu wengine."

Msanidi Programu Huru

"Mara nyingi, uendelezaji ndio uwekezaji mkubwa zaidi unaofanywa mapema kwa biashara mpya. Jaribio hili lilituwezesha kurejesha baadhi ya uwekezaji huo kwa kugeuza msimbo unaomilikiwa kuwa kipengee kinachochuma mapato, badala ya kukiacha tu kwenye hazina. Msimbo unaomilikiwa unabadilika kuwa kipengee kinachojisimamia, si tu mtambo unaowezesha bidhaa. Kushiriki kulituruhusu kuchuma mapato kutokana na msimbo wetu wa msingi moja kwa moja, hivyo kuongeza chanzo kipya kabisa cha mapato pamoja na biashara yetu iliyopo."

Mkurugenzi Mkuu wa Biashara Mpya ya Teknolojia

"Kushiriki katika Jaribio la Ofa ya Maudhui kumekuwa hali ya utumiaji ya kusisimua. Ilinipa fursa ya kujaribu miradi kabambe ya ulimwengu halisi huku nikichangia katika kitu ambacho kinahisi kama kinasaidia kuboresha mustakabali wa jinsi programu inavyotathminiwa na kusanidiwa."

Msanidi Programu Huru

"Hali hii inaonyesha uhusiano wetu wa miaka kumi na Google, ambayo zana na mfumo wake hufanya biashara ndogo kama yetu isikilizwe, ithaminiwe na kupewa usaidizi. Zaidi ya yote, tunadumisha umiliki kamili wa IP huku tukichuma mapato ya ziada. Tuliwasilisha hazina kadhaa za msimbo. Ratiba ni dhahiri, hali inayotupatia muda wa kuboresha mapendekezo na timu ya usaidizi hutatua maswali kwa haraka. Tunafurahishwa na mchakato huu na tutashiriki tena."

Mwanzilishi Mwenza wa Teknolojia

"Kama msanidi programu anayejitegemea anayesanidi programu ya kuhifadhi lugha na utamaduni kwa jumuiya ya kimataifa iliyotawanyika, jaribio hili limefanyika kwa wakati unaofaa. Mchakato ulikuwa rahisi na wenye uwazi na fidia imetoa rasilimali muhimu za kuwekeza moja kwa moja katika kuikuza programu yangu."

Msanidi Programu Huru wa Vifaa vya Mkononi

"Ilikuwa rahisi kufanyia Jaribio la Ofa ya Maudhui kazi. Kila kitu kuanzia utaratibu wa kuanza hadi uwasilishaji wa msimbo kimefanya kazi vizuri hadi sasa. Maagizo yalikuwa wazi na mfumo umefanya kazi vizuri."

Mwanzilishi, Kampuni ya Programu

1
/

Onyesha nia ya kushiriki katika jaribio

Tunakagua maombi na kuwaalika washirika kadiri nafasi katika jaribio zitakavyopatikana. Ili kutimiza masharti, ni sharti washirika wawe na haki pana za maudhui zinazohitajika.
Tuma taarifa zangu